香港儲錢難

在香港，總覺得花錢容易儲錢難，可能是東西相對便宜及購物太方便之故。

拿着五佰元現金上街，有如走進消費風水陣，三步一小店十步一大店，這間季尾大減價，「毛衣五折大傾銷」，嘩！咁抵？買！那間買洗頭水送潤膚露指甲油指甲鋤化妝袋，咁多嘢送？買！行過新興香薰店，聽聞薰衣草油可抒緩神經，三十元一瓶，唔係太貴啫？買！轉角有鮮榨果汁店，紅橙黃綠眾色齊全，八蚊大大杯，買！茶餐廳廿五元有飯有餸有嘢飲，自己買餸煮都唔止咁嘅價錢啦，買！童裝店件件外套過百元，唔緊要啦，剩係睇小魔怪打扮個得意樣已值回票價，買！走到五元店更不得了，較剪鉛筆茶杯碗碟毛巾牙刷插蘇燈胆相架相簿拖鞋電筒………款多色齊件件抵，一於買！買！買！

結果還未走到地鐵站，現金所餘無幾，不過還有百達通，繼續「嘟」繼續洗，要增值嗎？便利店銀行櫃員機總有一間係左近，未計ETC、信用卡、銀行提款卡，務求最短時間幫你盡快清袋。

這便是購物天堂成功之處，你想買的、不想買的、未想過會買的，一應俱全。未計無處不在的健身中心會籍、美容瘦身收甲脫毛彩光套餐，每月固定支出還有剪髮焗油蛋白護理負離子、3G手機無限SMS短訊、facial水療spa腳底按摩、三五知己良朋聚餐私房菜、最新最潮上樓咖啡店、日本北海道滑雪之旅、意大利與別不同十日自由行……不知道有多少人可憑一己定力不費分文走出誘惑迷宮？

問身邊朋友如何面對消費誘惑，他說：「買全香港最貴的產品--------樓。這樣你不會再有錢買其他平嘢。」

好一招以毒攻毒，置諸死地而後生。不過，不是人人有膽試的。